ජාත්‍යන්තර කාන්තා දිනය සැමරීම – 2018.03.08

මධ්‍යම පළාත් කර්මාන්ත අමාත්‍යාංශයේ වනිතා කටයුතු ඒකකය මඟින් සෑම වර්ෂයකම ක්‍රීයාත්මක කරනු ලබන ජාත්‍යන්තර කාන්තා දින සැමරුම් වැඩසටහන මෙවර 2018.03.22 වන දින මධ්‍යම පළාත් ප්‍රධාන අමාත්‍ය ගරු සරත් ඒකනායක මැතිතුමාගේ ප්‍රධානත්වයෙන් හා මධ්‍යම පළාත් ක්‍රීඩා,යෞවන කටයුතු,වනිතා, ග්‍රාමීය සංවර්ධන හා කර්මාන්ත අමාත්‍ය ගරු තිළිණ බණ්ඩාර තෙන්නකෝන් මැතිතුමා ඇතුලු මැති ඇමතිවරුන් රැසකගේ හා ආරක්ෂක, සෞඛ්‍ය ඇතුළු සමාජයේ සියලු අංශවල කාන්තා නිලධාරිණියන් මෙන්ම පළාතේ සෑම ප්‍රාදේශීය ලේකම් කොට්ඨාශයක්ම ආවරණය වන පරිදි කාන්තා සමිති සාමාජිකාවන් 1300 පමණ සහභාගිත්වයෙන් මහනුවර නගරයේදි සාර්ථකව පවත්වන ලදි.
මෙම සැමරුම් වැඩසටහන තුලින් කාලීන වැදගත් කමකින් යුතු මාතෘකාවන් ඔස්සේ කාන්තාවන් දැනුවත් කිරිම, ප්‍රාදේශීය ලේකම් කොට්ඨාශ මට්ටමින් හොදම ව්‍යවසායිකාව ඇගයීමට ලක්කිරීම මෙන්ම මහනුවර නගරය තුල පාගමනක් පවත්වා ජාත්‍යන්තර කාන්තා දිනයේ වැදගත් කම පිළිබදව සමාඡය දැණුවත් කිරීමේ වැඩසටහනක් මහනුවර නගරයේ හා උඩරට කලා සංගම් ශාලාවේදි පවත්වන ලදි.